Кемамиз Ер атрофида айланиб туради. Унинг шундай мосламалари борки, мавжудлигини ерликлар сезишмайди. Машинамизнипг шаклини сизларникидан фарқ қилмайдиган қилиб ясаганмиз. У юриш ва учиш имкониятларига эга. Сизни ана шунда кемага олиб чиқдик. Ухлатувчи асбоб ҳам мураккаб эмас. Унинг юқори қисмидаги тутмачасини боссангиз, тешикдан махсус узунликдаги электромагнит тўлқинлар чиқиб, киши миясининг ухлатувчи марказларига таъсир кўрсатади. Бунинг ҳеч қандай хавфли жойи йўқ.